Plantun de Prouvènço

Pèr coumpara dos planto d'encò nostre

Eschscholzia californica & Barbilophozia lycopodioides

Eschscholzia californica

Papaveraceae

Nom en français : Pavot de Californie.

Descripcioun :
Lou pavot-de-Califournìo se rescontro d'aqui e d'eila dins lis escoumbre e lis ermas proche d'oustau. Es un poulit pavot fourestié emé de gràndi flour jauno o aranjado e de fueio que dounon d'èr à-n-aquéli di fumo-terro. Lou fru (boursèu) se raprocho de li de l'erbo-dóu-faiò.

Usanço :
Estènt un pavot, a d'usanço proche de Papaver somniferum, pamens en mens fort (e sa culturo es autourisado). Es un remaiso doulour, ajudo à dourmi e èi bon contro lis ànçi. Ei bessai manjadis, coume lis àutri pavot, mai n'en sabèn pas rèn.

Port : Erbo
Taio : 20 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Eschscholzia
Famiho : Papaveraceae

Ordre : Ranunculales

Coulour de la flour : Aranjado
Petalo : 4
Ø (o loungour) flour : 4 à 4,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau - Ermas
Estànci : Termoumediterran à Coulinen
Couroulougi : Óurigino Califournìo
Ref. sc. : Eschscholzia californica Cham., 1820

Barbiho-de-la-grando

Barbilophozia lycopodioides

Anastrophyllaceae

Nom en français : Grande barbille.

Descripcioun :
Aquesto grando barbiho crespudo trachis sus li roucas séusous de mountagno dins li relarg fres. Fai ges de gemo, mai i'a d'amfigastre. Se recounèis à si fueio subsimetrico di tres à quatre lobe sus de ramo de tipe Frullania e acabado pèr de benc (fotò). Se vèi peréu de ciho à la baso de la fueio (fotò). Li celulo caupon de 3 à 10 ouleoucors. La planto èi marcado sus listo roujo categourìo LC valènt à dire soucit minour.

Usanço :
Es poussible de s'engana emé d'àutri epatico dóu meme gènre (coume B. hatcheri) o emé : Trilophozia quinquedentata, Saccobasis polita...